Ba’da gabayga anigoo yarbaan baawar ku lahaaye
Kolba anigoo billaawaha dhigaa buuryo-goys caga bidhyoodaaye
Badhax iyo ruux bah-dilan kuu botoriyaaye
Baaluq ismood iyo haddaan buuryo goys murano​
Soo badhida inaan tuujiiyaa marin bannaan maaha
Buruudkiyo laxaadkaba ninkaas loo badshaan ahay
Ciisa Muusaha isu wada bogee baqanin baan ahay
Sahalkaa billaawaha cad iyo Iidlaha beegsadaan ahay
Caddaawaha badraankiyo raggaas biligsan baan ahay
Badweyntii Wacayskiyo raggaas cadowga bururiyaan ahay
Maxamuudka aan baydhinee wadnaha beegsadaan ahay
Dhogori oo bir ka adag iyo Abrayn badaha jeexaaya
Baarqabyada guruxeed iyo Baallaahaa baarka sare jooga
Baasaha dagaal Deerayahan waa loo ballamiyaaye
Abidkayba waan bahdili aqiin bilistan ila taale