‏خلي دايما عقابك هو إنسحابك .. أكبر عقاب ممكن تعاقبه لشخص مقدرش قيمة وجودك ف حياته أو مطلعش جدير بثقتك هو إنك تمشى وتسيبه وتنسحب تماما من حياته مادام عاتبته مرة وإتنين و تلاتة و مفيش فايدة يبقي إمشي و ضميرك مستريح إحرمه من نعمة وجودك ف حياته إحرمه من الضحكة إللى كان بيضحكها معاك ، ‏إحرمه من نظرته ليك إحرمه من جدعنتك ووقفتك جنبه إحرمه من الكتف إللى كان بيسنده ف وقت ضعفه إحرمه من إحساس الراحة اللى كان بيحسها أما يفضفض معاك سيبه يروح يتعرف ع ناس تانية و سيبه يفرح بالبدايات معاهم لأن البدايات دايما مش مقياس كلها تمثيل وأقنعة ‏كل مايعرف ناس أكتر ويتعمق معاهم هيعرف قيمتك أكتر خليه يتفرج ع أصدقاء المصلحة والناس اللى لابسة وشوش إمشي وسيبله ذكريات وهي كفيلة تعرفه قيمتك والأيام هتلف هيدرك إنه خسر حاجة غالية قوى مش شرط إنه يجى يعترفلك إنه مفتقد وجودك ف حياته بس كفاية إن بينه وبين نفسه هيبقي متأكد إنه خسرك .